Gaurko klasean, joan den egunean egin genituen gainerako taldeen emanaldiak berrikusi ditugu. Horretarako, irakasleak gainerako taldeen gidoiak eman dizkigu, haien elkarrizketak, akotazioak … ikusteko.
Jarraian, irakasleak Power Point bat jarri digu dramatizazioaren oinarrizko elementuekin eta definizioarekin (aktorea, ekintza, antagonista, denbora dramatikoa, dramatizazioa, dramaturgia, egoera, ekitaldia, espazio dramatiko eta eszenikoa …), definizio horietako batzuk ez nekizkien, eta ondo etorri zait dramatizazioaren gaian gehiago kokatzeko. Gainera, ekitaldiaren eta eszenaren arteko aldea ikusi dugu. Beraz, egintzak eszena ezberdinetan banatzen dira. Horrek gure gidoia hobeto egituratzeko balio izan digu.
Geroago, Eiderrek K6ko gure taldearekin biltzen utzi digu, gure antzezlanerako egingo dugun gidoiaz hitz egiteko. Nire taldean pixka bat galduta gaude gai honekin, eta irakasleak esan digu zirriborro bat baino ez dela, eta proiektuan aurrera egin ahala gauzak aldatuz joan ahal izango dela. Gainera, irakasleak bakarka hitz egin du talde bakoitzarekin, aurreko saioko lanari dagokionez hobetu ditzakegun zenbait alderdi aipatzeko. Gure kasuan, esaldi batzuk onomatopeiengatik aldatzea gomendatu zigun, testu asko genituelako.
No hay comentarios:
Publicar un comentario